Երևան, 27.09.2021
naxagah

ՀԱՐԳԵԼԻ ԲԱՐԵԿԱՄ

Ողջունում եմ Ձեզ Հայաստանի արհմիությունների կոնֆեդերացիայի ինտերնետային կայքում:

Էլեկտրոնային հաղորդակցության այս միջոցը հրաշալի հնարավորություն է արհմիությունների գործառույթներին, իրականացվող ծրագրերին և միջոցառումներին տեղեկանալու և հետադարձ կապի միջոցով մասնակցային գործընթաց ապահովելու համար: Մեր կայքում Դուք կգտնեք անհրաժեշտ տեղեկություններ աշխատողի շահերի պաշտպանությանն առնչվող օրենսդրական, իրավական ակտերի ու նախագծերի մասին: Էլեկտրոնային ընդունարանը հնարավորություն կտա Ձեզ հետաքրքրող հարցերի վերաբերյալ ուղարկել դիմումներ և ստանալ պատասխաններ: Հուսով եմ, որ մեր կայքն իր մատչելիությամբ և ժամանակակից գործիքներով կդառնա տեղեկատվական լավագույն աղբյուր բոլոր օգտագործողների համար:

Հայաստանի արհմիությունների կոնֆեդերացիայի նախագահ՝ Է. Թումասյան

Կայքի հին տարբերակը

22 Փետրվար, 2021

Կայացավ Կրթության և գիտության աշխատողների ՃՀՄ-ի 5-րդ համագումարը

Կայացավ Կրթության և գիտության աշխատողների ՃՀՄ-ի 5-րդ համագումարը

 2021 թվականի փետրվարի 20-ին տեղի ունեցավ Հայաստանի կրթության և գիտության աշխատողների արհեստակցական կազմակերպությունների ճյուղային հանրապետական միության 5-րդ համագումարը:  Համագումարի 95 պատվիրակից մասնակցում էր 92-ը:  Համագումարի աշխատանքներին մասնակցում էր ՀԱՄԿ-ի նախագահ Էդուարդ Թումասյանը:  Համագումարում բացման...

19 Փետրվար, 2021

Հանդիպում ՀՀ-ում Բելառուսի դեսպանատանը

 Փետրվարի 18-ին Հայաստանի Հանրապետությունում Բելառուսի նորանշանակ արտակարգ և լիազոր դեսպան Ալեքսանդր Կոնյուկի հրավերով տեղի է ունեցել հանդիպում Հայաստանի արհմիությունների կոնֆեդերացիայի նախագահ Էդուարդ Թումասյանի հետ:

 Դեսպանը Էդուարդ Թումասյանին փոխանցել է Բելառուսի արհմիությունների կոնֆեդերացիայի նախագահ Միխայիլ Օրդայի ջերմ ողջույնները:

 Զրույցի ընթացքում Ալեքսանդր Կոնյուկը կարևորել է արհմիությունների դերը աշխատողների աշխատանքային իրավունքների և մարդու իրավունքների պաշտպանության գործում:

 Զրուցակիցներն արձանագրել են, որ Հայաստանի և Բելառուսի արհմիությունները համագործակցության մեծ ներուժ ունեն և հույս հայտնել, որ երկուստեք ջանքեր կգործադրեն հարաբերությունների հետագա զարգացման և առաջընթացի համար։

 ՀԱՄԿ-ի նախագահ Էդուարդ Թումասյանը շնորհակալություն է հայտնել ջերմ ընդունելության համար և շնորհավորել դեսպանին նշանակման առթիվ: Իր խոսքում նա ներկայացրել է Հայաստանի արհմիությունների կոնֆեդերացիայի կառուցվածքային համակարգը, միաժամանակ ընդգծել, որ կնպաստի Հայաստանի և Բելառուսի արհմիությունների փոխգործակցության մակարդակի բարձրացմանը:

11 Փետրվար, 2021

 ՀԱՄԿ-ի Ուսումնական կենտրոնը ներկայացնում է Աշխատանքի միջազգային կազմակերպության կողմից մշակված «Կովիդ-19 համավարակի ընթացքում արհմիությունների վարքագծի տենդենցների գլոբալ վերլուծությունը» թեմայով հետազոտության հայերեն թարգմանությունը:

 Վերլուծության մեջ ներկայացված է համավարակի հետևանքով առաջացած ճգնաժամի նկատմամբ արհմիությունների արձագանքը:

 

 

Վերլուծություն

29 Հունվար, 2021

Արտակարգ դրության ժամանակ ընդունված մի շարք նորմատիվ իրավական փաստաթղթեր այնքան էլ համապարփակ չէին․ Էլեն Մանասերյան

Արտակարգ դրության ժամանակ ընդունված մի շարք նորմատիվ իրավական փաստաթղթեր այնքան էլ համապարփակ չէին․ Էլեն Մանասերյան

 2020 թվականի մայիսի 8-ից Առողջապահական եւ աշխատանքի տեսչական մարմնի՝ աշխատավայրում իրավիճակի ստուգումները ցույց են տալիս, որ գործատուների եւ աշխատողների շրջանում աշխատատեղերի անվտանգության եւ աշխատանքային պայմանների վերաբերյալ տեղեկատվության պակասն ահռելի է։ Այս մասին Infocom.am-ի հետ զրույցում փաստեց Հայաստանի արհմիությունների կոնֆեդերացիայի ուսումնական կենտրոնի ղեկավար, իրավաբան Էլեն Մանասերյանը։

Կարդալ նյութն ամբողջությամբ այստեղ

22 Հունվար, 2021

Պարզաբանում

 2020 թվականի դեկտեմբերի 25-ին ՀԱՄԿ-ի պաշտոնական կայքում ՀՀ վարչապետի և կառավարության հրաժարականի պահանջով ՀԱՄԿ-ի նախագահ Էդուարդ Թումասյանի հայտարարության մեջ «պահանջում եմ» և «կոչ եմ անում» բառակապակցությունները որոշ լրատվամիջոցներ արտատպել են սխալ ձևակերպմամբ: ՀԱՄԿ-ի նախագահի՝ անձամբ իր անունից արված հայտարարությունը տպագրվել է հոգնակի թվով, ինչն ապատեղեկատվություն է:

 

 ՀԱՄԿ-ի մամուլի քարտուղար Ա. Ներսիսյան

29 Դեկտեմբեր, 2020

        ՇՆՈՐՀԱՎՈՐ 2021 ԹՎԱԿԱՆԸ

 

 Սովորաբար անցնող տարին ամփոփելիս նշվում են տարվա լավ ու վատ  կողմերը, ձեռքբերումներն ու կորուստները: Սակայն այս անգամ դժվար է արտահայտել մեր ազգին բաժին հասած անհաջողություններն ու անդառնալի կորստի ցավը:

 Ինչևէ, այժմ հարկավոր է թոթափել լարվածությունն ու հուսահատությունը, համատարած քայլեր ձեռնարկել հասարակության համախմբման, երկրի առաջ ծառացած բազմաշերտ խնդիրների լուծման համար: Այժմ մեզ մուրճերի զարկ է հարկավոր, այլ ոչ թե խառնաշփոթություն, բարություն, այլ ոչ թե չարություն և նախանձ, համախմբում, այլ ոչ թե հաշվեհարդար:

 Միայն հասարակության զգոնության ու համերաշխության շնորհիվ հնարավոր կլինի ամրապնդել մեր երկրի պետականության հիմքերը, քաղաքացու, աշխատողի մոտ վերականգնել վաղվա օրվա և երկրի ապագայի հանդեպ վստահություն և հավատ:

 Շնորհավորում եմ բոլորի Ամանորն ու Սուրբ Ծնունդը, մաղթում առողջություն և աշխատանքային նորանոր հաջողություններ: Թող գալիք 2021 թվականը լինի խաղաղության, պետության տնտեսական զարգացման ու հզորացման տարի:

 

 

Հայաստանի արհմիությունների

կոնֆեդերացիայի նախագահ՝                            ԷԴՈՒԱՐԴ ԹՈՒՄԱՍՅԱՆ

28 Դեկտեմբեր, 2020

 «ՀՀ-ում կովիդ-19-ի բացասական հետևանքներից աշխատողների անվտանգության և առողջության պաշտպանության նպատակով հանրային իրազեկման արշավ» ծրագրի շրջանակներում ՀԱՄԿ-ի ուսումնական կենտրոնը ներկայացնում է նոր տեսահոլովակ: