18 Հունիս, 2021

Շ Ն Ո Ր Հ Ա Վ Ո Ր Ա Ն Ք

«Բուժաշխատողի օրվա» կապակցությամբ

 Հայաստանի արհմիությունների կոնֆեդերացիան շնորհավորում է Առողջապահության աշխատողների արհեստակցական կազմակերպությունների ճյուղային հանրապետական միությանը, արհմիության անդամներին և համակարգի աշխատողներին մասնագիտական տոնի՝ <Բուժաշխատողի օրվա> կապակցությամբ, մաղթում հաջողություններ, նորանոր ձեռքբերումներ բուժաշխատողների սոցիալ-տնտեսական, նրանց բարեկեցիկ կյանքի պայմանների բարելավման ճանապարհին:

 Այս օրերին մարդկության ռեսուրսներն ուղղված են Covid-19-ի դեմ պայքարին, որի առաջնագծում իրենց առողջությունն ու կյանքը վտանգելով շարունակում են  պայքարել բուժաշխատողները:

 Ժամանակը ցույց տվեց, որ Հայաստանի Հանրապետությունում աշխատում են շատ բարձր պատրաստվածությամբ բժիշկներ, ում համար գերակա շահը քաղաքացու առողջությունն է: Համավարակի ընթացքում նրանց աշխատանքն առավելագույնս արժևորվեց: Ցուցաբերելով քաջություն և համառություն բուժաշխատողներն ամիսներ շարունակ պայքարում են համաճարակի դեմ:

 Կրկին շնորհավորում եմ բոլոր բուժաշխատողներին, ցանկանում ուժ, անսպառ բարություն, կամք ու տոկունություն:

Լավագույն մաղթանքներով՝
Հայաստանի արհմիությունների
Կոնֆեդերացիայի նախագահ                               ԷԴՈՒԱՐԴ ԹՈՒՄԱՍՅԱՆ

02 Հունիս, 2021

‹‹Արհմիութենական դպրոց››-ի բազմաբովանդակ հինգ օրերը

ՀԱՄԿ-ի ուսումնական կենտրոնը Ֆրիդրիխ Էբերտ հիմնադրամի հայաստանյան գրասենյակի հետ համատեղ Լոռու մարզում 2021թ. մայիսի 26-30-ը երիտասարդ արհմիութենականների համար կազմակերպել էր ‹‹Արհմիութենական դպրոց››, որին  մասնակցում էին Ագրոարդյունաբերության, Առևտրի և հասարակական սննդի, սպառկոոպերացիայի և ձեռներեցության, Բուհերի,...

01 Հունիս, 2021

Ինչպես վարվել աշխատավարձի հետ, եթե գներն աճում են, կամ «մեռած» օրենքի մասին

Մանրամասն՝ armeniasputnik.am

06 Մայիս, 2021

ՀԱՅԱՍՏԱՆԻ ԱՐՀՄԻՈՒԹՅՈՒՆՆԵՐԻ ԿՈՆՖԵԴԵՐԱՑԻԱՅԻ
ՇՆՈՐՀԱՎՈՐԱԿԱՆ ՈՒՂԵՐՁԸ

ՀԱՅՐԵՆԱԿԱՆ ՄԵԾ ՊԱՏԵՐԱԶՄՈՒՄ ՀԱՂԹԱՆԱԿԻ 76-ԱՄՅԱԿԻ
ԿԱՊԱԿՑՈՒԹՅԱՄԲ

 1945 թվականների Հայրենական մեծ պատերազմում տեղի ունեցած  պատմական հաղթանակից անցել է 76 տարի: Հայ  ժողովրդի, ինչպես  և նախկին ԽՍՀՄ ժողովուրդների համար 1945թ. Մայիսի 9-ը, որպես Հաղթանակի օր հավերժ կմնա որպես մարդկությանը ֆաշիստական ստրկության  սպառնալիքից փրկելու՝ հերոսության և աձնուրացության խորհրդանիշ: Ռազմադաշտում և աշխատանքային  ճակատում մեր հայրենակիցները ցույց  տվեցին հերոսության և հայրենասիրության վառ օրինակ:

 Հայ ժողովրդի համար այս և արցախյան առաջին պատերազմում տարած հաղթանակները բարոյական  ուղենիշ են սերունդների համար: Որքան  հեռանում են այդ դրամատիկ ժամանակները, այնքան ուժեղ է  դառնում երախտագիտության և  պարտականության զգացումը  բոլոր նրանց  համար, ովքեր ամեն գնով պաշտպանեցին հայրենիքը: Մեր պարտքն է սերունդներին փոխանցել պատերազմում զոհվածների մասին հիշողությունը:

 Մենք  խոնահրվում ենք նաև արցախյան երկրորդ պատերազմում զոհված զինվորների հիշատակի առջև, ովքեր  իրենց  սխրանքով  անմահացան:

 Շնորհավորելով Հաղթանակի տոնի առթիվ` բոլորին մաղթում եմ քաջառողջություն, թող մեր նախնիների սխրանքի շնորհիվ ձեռք բերած փառապանծ հաղթանակները զորավիգ լինեն մեզ՝ մեր խաղաղ և հուսալի վաղվա օրը կերտելու գործում:

ՀԱՅԱՍՏԱՆԻ ԱՐՀՄԻՈՒԹՅՈՒՆՆԵՐԻ

ԿՈՆՖԵԴԵՐԱՑԻԱՅԻ  ՆԱԽԱԳԱՀ                                ԷԴՈՒԱՐԴ ԹՈՒՄԱՍՅԱՆ

01 Մայիս, 2021

Աշխատողի օրվան նվիրված

Հանրային հեռուստատեսության «Մեր արխիվը» հաղորդաշարի ռեպորտաժը

30 Ապրիլ, 2021

Աշխատողի օրվա կապակցությամբ ՍիվիլՆեթ լրատվական գործակալությունը առցանց եթերում կազմակերպել էր «Աշխատանքային իրավունքների պաշտպանության խնդիրները Հայաստանում» թեմայով քննարկում, որին մասնակցուն էին Ազգային ժողովի պատգամավոր, ԱԺ Առողջապահության և սոցիալական հարցերի մշտական հանձնաժողովի նախագահի տեղակալ Հերիքնազ Տիգրանյանը և ՀԱՄԿ-ի Ուսումնական կենտրոնի ղեկավար Էլեն Մանասերյանը

29 Ապրիլ, 2021

ՀԱՅԱՍՏԱՆԻ ԱՐՀՄԻՈՒԹՅՈՒՆՆԵՐԻ ԿՈՆՖԵԴԵՐԱՑԻԱՅԻ ՈՒՂԵՐՁԸ

ԱՇԽԱՏԱՆՔԻ ՕՐՎԱ ԱՌԹԻՎ

Հայաստանի Հանրապետությունում, ինչպես ամբողջ աշխարհում արդեն երկրորդ տարին է, որ COVID -19 համաճարակի տարածման կանխարգելման նպատակով կատարվող քայլերը, ինչպես նաև արցախյան երկրորդ պատերազմը աներևակայելի վնասներ են հասցրել աշխատաշուկային:

Սակայն Հայաստանի արհմիությունների կոնֆեդերացիան լիահույս է, որ համատեղ ուժերով և հաստատուն քայլերով հնարավոր է գնալ առաջ` դիմագրավելով ոչ միայն համաճարակի հնարավոր գալիք անակնկալներին, այլև վերացնելու պատերազմի պատճառած նյութական և հոգեբանական ծանր հետևանքները:

Ճգնաժամի սկզբնական շրջանում ոմանք կորցրեցին աշխատանքը և եկամուտները նվազեցին, հատկապես տուժեց միջին խավը, ցածր, օրավարձով վարձատրվող աշխատողները: Սակայն բազմաթիվ գործատուներ կարողացան տնտեսական այս ծանր ճգնաժամին պահպանել աշխատատեղերն ու աշխատավարձերը: Քանզի առանց պատշաճ աշխատանքի չի կարող լինել արժանապատիվ կյանք, իսկ երկրի համար՝ կայուն տնտեսական աճ:

Հայաստանի արհմիությունների կոնֆեդերացիան համոզված է, որ համերաշխությամբ և սոցիալական համագործակցությամբ հնարավոր է հաղթահարել ծագած խնդիրները և ստեղծել նոր հնարավորություններ` կիրառելով սոցիալական գործընկերության սկզբունքները:

Աշխատողների միջազգային համերաշխության օրվա առթիվ ՀԱՄԿ-ը ողջունում և շնորհավորում է բոլոր աշխատողներին և միանում Արհմիությունների համընդհանուր կոնֆեդերացիայի այս տարվա կոչին՝ Արժանապատիվ աշխատանք: Արդար աշխատավարձ! Կայուն զարգացում!

ՀԱՅԱՍՏԱՆԻ ԱՐՀՄԻՈՒԹՅՈՒՆՆԵՐԻ

ԿՈՆՖԵԴԵՐԱՑԻԱՅԻ  ՆԱԽԱԳԱՀ                       ԷԴՈՒԱՐԴ ԹՈՒՄԱՍՅԱՆ