28 Փետրվար, 2017
ՀԱՄԿ-Ի ՊԱՏՎՈ ԿՐԾՔԱՆՇԱՆՈՎ ՊԱՐԳԵՎԱՏՐՎԵԼ Է`
Հարցման կարգով ՀԱՄԿ-ի պատվո կրծքանշանով պարգևատրվել է Խ. Աբովյանի անվան հայկական պետական մանկավարժական համալսարանի արհեստակցական կազմակերպության նախագահ, ՀԱՄԿ-ի խորհրդի և Հայաստանի բուհերի արհեստակցական կազնակերպությունների ՃՀՄ-ի նախագահության անդամ, դոցենտ Հասմիկ Սարգսյանը` արհմիութենական երկարամյա, ակտիվ գործունեության և ծննդյան 40-ամյակի կապակցությամբ:
ՀԱՄԿ-ի գործկոմ 2017թ
27փետրվարի N19/1 որոշում
27 Փետրվար, 2017
Կայացավ ՀՀ Ագրոարդյունաբերական համակարգի աշխատողների արհեստակցական կազմակերպությունների ՃՀՄ-ի 4-րդ համաժողովը
ՀՀ Ագրոարդյունաբերական համակարգի աշխատողների արհեստակցական կազմակերպությունների ճյուղային հանրապետական միության հերթական 4-րդ համաժողովը կայացավ 2017 թվականի փետրվարի 24-ին, Կոնգրես հյուրանոցի կոնֆերանս դահլիճում: Համաժողովին մասնակցում էին ՃՀՄ 50 պատվիրակներից 44-ը և հրավիրված գործընկերներ: Համաժողովին ներկա էին ՀԱՄԿ-ի...
23 Փետրվար, 2017
Եվրոպական արհմիությունների հերթական հանդիպումը Երևանում
Փետրվարի 20-21-ին Երևանում անցկացվեց Եվրոպայի հանրային ծառայության աշխատողների արհմիությունների դաշնության (EPSU) Հյուսիսարևելյան Եվրոպայի տարածաշրջանային տարեկան հանդիպումը:
Հանդիպմանը մասնակցում էին Վրաստանի, Էստոնիայի, Լատվիայի, Լիտվայի, Բելառուսի, Ուկրաինայի, ինչպես նաև Հայաստանի հանրային ծառայությունների բնագավառի...
13 Փետրվար, 2017
Կայացավ Հանրապետական եռակողմ հանձնաժողովի 2017 թվականի նիստը
ՀՀ աշխատանքի և սոցիալական հարցերի նախարար Արտեմ Ասատրյանի նախագահությամբ 2017 թ. փետրվարի 10-ին տեղի ունեցավ Հանրապետական եռակողմ հանձնաժողովի նիստը:
Նիստի օրակարգում ընդգրկված էր «Կամավորական գործունեության և կամավոր աշխատանքի մասին» ՀՀ օրենքի hայեցակարգը, որի նպատակն է մատնանշել կամավորական գործունեության...
20 Դեկտեմբեր, 2016
Հայաստանի արհմիությունների կոնֆեդերացիայի
ՇՆՈՐՀԱՎՈՐԱՆՔԸ
Էներգետիկի օրվա կապակցությամբ
Հայաստանի արհմիությունների կոնֆեդերացիան շնորհավորում է <Էլեկտրաարհմիություն> արհեստակցական կազմակերպությունների ճյուղային հանրապետական միությանը, համակարգի աշխատողներին, արհմիության անդամներին մասնագիտական տոնի կապակցությամբ, մաղթում արժանապատիվ աշխատանք և բարեկեցիկ կյանք:
ՀԱՄԿ-ի անդամ <Էլեկտրաարհմիություն> արհեստակցական կազմակերպությունների ճյուղային հանրապետական միությունը տնտեսության համար կարևորագույն այս ոլորտում իր ուրույն ներդրումն ունի և իր ակտիվ գործունեությամբ արժանի տեղ է գրավում ՀԱՄԿ-ի անդամ կազմակերպությունների ընտանիքում:
Ոլորտում իրականացվող սոցիալական խնդիրների բարեփոխումների արդյունքում է, որ աշխատողները արհմիութենական կազմակերպություններում ստանում են իրենց սոցիալական խնդիրների լուծումները:
Կրկին անգամ շնորհավորում եմ ոլորտի աշխատողներին, մաղթում քաջառողջություն, նորանոր հաջողություններ այդ դժվարին և պատասխանատու գործում:
Լավագույն մաղթանքերով՝ Էդուարդ Թումասյան
15 Դեկտեմբեր, 2016
ՏԵՂԵԿԱՏՎՈՒԹՅՈՒՆ
2016թ. դեկտեմբերի 5-8 Սերբիայի մայրաքաղաք Բելգրադում տեղի ունեցավ Եվրոպական երկրների կրթության արհմիությունների, կրթության միջազգային տարածաշրջանային կազմակերպությունների հաշվետու-ընտրական համագումարը, որը գումարվում է չորս տարին մեկ անգամ:
Համագումարի աշխատանքներին մասնակցում էին եվրոպական 48 երկրների 131 արհմիութենական կազմակերպությունների 350 պատգամավորներ կրթության բոլոր մակարդակներից, ովքեր քվեարկեցին կազմակերպության 2017-2020 թթ աշխատանքային ծրագրի համար, ընդունեցին մի շարք բանաձևեր՝ ժամանակակից մարտահրավերներին դիմակայելու նպատակով:
Համագումարի աշխատանքներին մասնակցում էր Հայաստանի կրթության և գիտության աշխատողների արհեստակցական կազմակերպությունների ճյուղային հանրապետական միության նախագահ Գրիգոր Ղարիբյանը, ով չորս տարի ժամկետով ընտրվեց կրթության արհմիությունների Եվրոպական կոմիտեի անդամ:
