01 Հունիս, 2015

ՀԱՅԱՍՏԱՆԻ ԱՐՀՄԻՈՒԹՅՈՒՆՆԵՐԻ ԿՈՆՖԵԴԵՐԱՑԻԱՅԻ ՀԱՅՏԱՐԱՐՈՒԹՅՈՒՆԸ   

ԷԼԵԿՏՐԱԷՆԵՐԳԻԱՅԻ ԹԱՆԿԱՑՄԱՆ ԿԱՊԱԿՑՈՒԹՅԱՄԲ

  Հայաստանի արհմիությունների կոնֆեդերացիան իր 20 Ճյուղային արհմիությունների 700 արհեստակցական կազմակերություններում ընդգրկված արհմիության անդամների անունից  մտահոգություն է  հայտնում էլեկտրաէներգիայի սակագնի առաջիկա թանկացման կապակցությամբ:

     Սոցիալական ճգնաժամի խորացումն անխուսափելի է առհասարակ բոլոր տեսակի թանկացումների դեպքում, որին  հաջորդում է աշխատողների, նրանց ընտանիքների անդամների և ողջ բնակչության  կենսամակարդակի  անկումն ու  անապահով  ընտանիքների քանակի աճը:

     2014 թվականի օգոստոսի 1-ից հոսանքի սակագնի, ինչպես նաև դրա հետ փոխկապակցված ապրանքատեսակների թանկացումը բարդ խնդիրների առջև կանգնեցրեց բնակչությանը: Հայաստանում, ուր բնակչության յուրաքանչյուր երրորդը աղքատ է, էլեկտրաէներգիայի նոր թանկացումը կնպաստի աղքատության մակարդակի բարձրացմանը: 

   Թանկացումներ եղել են նաև  գազի և էլեկտրաէներգիայի սակագների քանիցս  բարձրացման առիթով,  որին  հաջորդած  լայն սպառման ապրանքների և  ծառայությունների գնաճը  կարելի էր  կանխել  անհրաժեշտ  մեխանիզմների  կիրառման դեպքում,  ինչպիսին է <Աշխատավարձի  ինդեքսավորման մասին> օրենքի ընդունումը, որով կկանոնակարգվեր նաև նվազագույն աշխատավարձի գնողունակությունը: Եթե այս  ամենին  հավելենք  առ այսօր  օրենքով չսահմանված  կենսաապահովման  նվազագույն սպառողական զամբյուղի կազմն ու կառուցվածքը, որի հիման վրա պետք է որոշվի նվազագույն աշխատավարձի, կենսաթոշակների, նպաստների, սոցիալական այլ վճարների չափերը, ապա այս և  հետագա տարիներին դժվար թե  հնարավոր  լինի հաղթահարել սպառնացող սոցիալական  մարտահրավերները: Հինգ հազար դրամով բարձրացվող նվազագույն աշխատավարձն ու կենսաթոշակը անկարող են ապահովել  բավարար  կենսամակարդակ և  գնողունակություն: 

   Գների շղթայական բարձրացման հետևանքով ծանր իրավիճակում կհայտնվի ոչ միայն աշխատավորությունը, այլև հանրապետության շուրջ 500 000 կենսաթոշակառուներն ու աղքատության ընտանեկան  նպաստ  ստացող  114000 ընտանիքները: Արդյո՞ք նրանք ի վիճակի  են  դիմագրավել այդ  բոլոր թանկացումներին, հատկապես ձմռան ամիսներին, երբ հարկադրված կլինեն եկամուտների առյուծի  բաժինը հատկացնել ջեռուցմանն ու այլ կոմունալ  վարձավճարներին:

   Համաձայն ՀՀ Սահմանադրության 34-րդ հոդվածի, յուրաքանչյուր ոք ունի բավարար  կենսամակարդակի բարելավման իրավունք, ինչին խոչընդոտում է շարունակական գնաճը: Ուստի  ՀԱՄԿ-ը կարևորում է էլեկտրաէներգիայի սակագնի թանկացման դեպքում առաջացող սոցիալական  լարվածությունը  զսպող մեխանիզմների  անհրաժեշտությունը:

Հայաստանի արհմիությունների  կոնֆեդերացիա

01 Հունիս, 2015

ՏԵՂԵԿԱՏՎՈՒԹՅՈՒՆ

  ՀԱՄԿ-ի Ուսումնահետազոտական կենտրոնը Արհմիությունների Միջազգային Կոնֆեդերացիայի աջակցությամբ մայիսի 29-30 Ծաղկաձորում կազմակերպել էր սեմինար՝ «Երիտասարդության խթանումը արհմիություններում» թեմայով:   Սեմինարում բացման խոսքով հանդես եկավ ՀԱՄԿ-ի նախագահ Էդուարդ Թումասյանը: Նա իր ելույթում ներկայացրեց Հայաստանի...

26 Մայիս, 2015

ՏԵՂԵԿԱՏՎՈՒԹՅՈՒՆ

  Մայիսի 26-ին ՀԱՄԿ-ի  նախագահ Էդուարդ Թումասյանը ընդունեց  Պետհիմնարկների և հասարակական սպասարկման աշխատողների արհմիությունների միջազգային  ֆեդերացիայի՝ մայիսի 27-ին  կայանալիք խորհրդի նիստի մասնակիցներին:      Հանդիպմանը մասնակցում էին  Պետհիմնարկների և հասարակական սպասարկման աշխատողների արհմիությունների...

25 Մայիս, 2015

Տեղեկատվություն

  2015 թ. մայիսի 25-ին ՀԱՄԿ-ի նախագահ Էդուարդ Թումասյանն ընդունեց Բելառուսի հանրապետության բանկերի և ֆինանսական կազմակերպությունների ճյուղային արհմիության նախագահ Ալեքսանդր Լիխտարովիչի գլխավորած պատվիրակությանը: Հանդիպմանը ներկա էին  նաև  Բելառուսբանկի միացյալ արհկոմի նախագահ Նատալյա Պետրաչկովան, Բելառուսի խնայբանկի...

25 Մայիս, 2015

ՏԵՂԵԿԱՏՎՈՒԹՅՈՒՆ

  2015թ. մայիսի 20-22 Բրյուսելում հրավիրվել էր խորհրդակցություն՝ նվիրված ԵՄ-ի հետ Արևելյան Գործընկերության, Եվրոպական հարևանության քաղաքականության, համապարփակ ազատ առևտրային համաձայնագրերի խնդիրներին:   Խորհրդատվությանը մասնակցել են Հայաստանի, Ադրբեջանի, Բելառուսի, Վրաստանի, Մոլդովայի և Ուկրաինայի արհմիությունների կոնֆեդերացիաների...

14 Մայիս, 2015

Տեղեկատվություն

  Մայիսի 13-ին Հայաստանի արհմիությունների կոնֆեդերացիայում տեղի ունեցավ ՀԱՄԿ -ի նախագահ Էդուարդ Թումասյանի  և Եվրոպայի Կրթության արհմիության կոմիտեի գործադիր տնօրեն Մարտին Ռոմերի հանդիպումը:   Պարոն Ռոմերը Երևան է ժամանել մասնակցելու մայիսի 14-15 Բոլոնիայի գագաթնաժողովի աշխատանքներին։ Հյուրը  համառոտ ներկայացրեց Եվրոպական...

09 Մայիս, 2015

ՀԱՄԿ-ը նշեց Հաղթանակի տոնը

  Մայիսի 9-ին Հայրենական մեծ պատերազմում տարած հաղթանակի 70-րդ տարեդարձի տոնը Հայաստանի արհմիությունների կոնֆեդերացիան ավանդույթի համաձայն նշեց Հաղթանակ զբոսայգում` հարգանքի տուրք  մատուցելով պատերազմում զոհված հազարավոր հայորդիների կորուստը խորհրդանշող Անհայտ զինվորի հուշահամալիրին:   Մայիսի 9-ին նշվեց  նաև...