07 Մայիս, 2015
ՀԱՅԱՍՏԱՆԻ ԱՐՀՄԻՈՒԹՅՈՒՆՆԵՐԻ ԿՈՆՖԵԴԵՐԱՑԻԱՅԻ
ՇՆՈՐՀԱՎՈՐԱԿԱՆ ՈՒՂԵՐՁԸ
ՀԱՂԹԱՆԱԿԻ ՕՐՎԱ ԱՌԹԻՎ
70 տարի առաջ խորհրդային ժողովուրդն ամենակարևոր և թանկ հաղթանակը գրանցեց ֆաշիստական Գերմանիայի դեմ մղվող պատերազմում։ Խորհրդային Միության մարդկային և ռազմական բոլոր ռեսուրսներն օգտագործվել են գլխավոր նպատակի համար` ոչնչացնել ֆաշիստական զավթիչներին, ովքեր սպառնում էին ոչ միայն մեր, այլև արտերկրի ժողովուրդների գոյությանը: Այդ պատերազմում Խորհրդային Միությունն ամենամեծ թվով զոհերն է ունեցել` միլիոնավոր մարդիկ են զոհվել, տանջանքի ենթարկվել համակենտրոնացման ճամբարներում, անհետ կորել։
Հայ ժողովրդի մասնակցությունը Երկրորդ աշխարհամարտին մեր պատմության ամենափայլուն էջերից է: Հայազգի զինվորականների ավանդն այս պատերազմում հսկայական է եղել: Ինչպես նշել է խորհրդային մարշալ Ժուկովը. «Հայ մարտիկները` զինվորից մինչև մարշալ, իրենց ծածկել են քաջարի ռազմիկների անթառամ փառքով»: Հայրենական մեծ պատերազմը գոյամարտ էր ամբողջ հայ ժողովրդի համար, ուստի զարմանալի չէր, որ Խորհրդային Միության, ինչպես նաև արտերկրում բնակվող հայերն ակտիվ մասնակցություն ունեցան պատերազմին: Շուրջ 650000 հայ մասնակցեց պատերազմին, որից շուրջ 350000-ը զոհվեց:
Մայիսի 9-ին հայ ժողովուրդը տոնում է ինչպես Հայրենական մեծ պատերազմում տարած հաղթանակի, այնպես և Շուշիի ազատագրման օրերը։
Մեր պարտքն է հարգանքի տուրք մատուցել այդ սարսափելի պատերազմների զոհերի հիշատակին, ովքեր կյանքով են հատուցել մեր ապագայի համար։ Այսօր Հայրենական մեծ պատերազմի վետերաների շարքերը սակավամարդ են, ուստի պարտավոր ենք նրանց և Արցախյան հերոսամարտի վետերաներին վերաբերվել ակնածանքով ու խոնարհումով, քանզի նրանց ենք պարտական մեր կյանքով ու խաղաղության համար:
Հայաստանի արհմիությունների կոնֆեդերացիան շնորհավորում է բոլորին տոնի առթիվ և մաղթում, որ Հայաստան աշխարհն այլևս պատերազմ չտեսնի և նրա երկնքում հավերժ թևածի խաղաղությունը:
Էդուարդ Թումասյան
Հայաստանի արհմիությունների
կոնֆեդերացիայի նախագահ
05 Մայիս, 2015
Մամուլի արձագանքը ՀԱՄԿ-ի մայիսմեկյան շքերթին
ՏԵՍԱՆՅՈՒԹ 1
ՏԵՍԱՆՅՈՒԹ 2
ՏԵՍԱՆՅՈՒԹ 3
04 Մայիս, 2015
ՀԱՄԿ-ի նախագահ Էդուարդ Թումասյանի ելույթը Հ3 հեռուստաընկերության <Օրվա խնդիր> հաղորդաշարի եթերում
ԴԻՏԵԼ ՏԵՍԱՆՅՈՒԹԸ
04 Մայիս, 2015
Հանրային հեռուստաընկերության <Առավոտ լուսո> հաղորդաշարի հյուրն է ՀԱՄԿ-ի նախագահ Էդուարդ Թումասյանը
ԴԻՏԵԼ ՏԵՍԱՆՅՈՒԹԸ
01 Մայիս, 2015
ՀԱՄԿ-ը նշեց Աշխատանքի օրը
Աշխատանքի օրը Հայաստանի արհմիությունների կոնֆեդերացիան, նրան անդամակցող 20 ճյուղային հանրապետական միությունների արհմիութենական կազմակերպությունների ներկայացուցիչներ, որոնց թվում էին նաև մարզերից ժամանած արհմիութենականներ <Աշխատավոր մարդուն արժանապատիվ աշխատանք, արժանապատիվ աշխատավարձ>, ...
30 Ապրիլ, 2015
Արհմիությունները մայիսի 1-ին երթ կանցկացնեն
Առաջադեմ մարդկությունը Աշխատանքի միջազգային օրը նշում է մայիսի 1-ին՝ ի պաշտպանություն աշխատավորի։ Հայաստանի արհմիությունների կոնֆեդերացիան, 20 ճյուղային հանրապետական միությունների արհմիութենական ակտիվի հետ միասին 2015թ. Մայիսի 1-ին կազմակերպում է երթ ի պաշտպանություն աշխատավորության սոցիալական շահերի։
Երթը Երևանի քաղաքապետարանի կողմից արտոնված է և այն սկսվելու է մայիսի 1-ին, ժամը 12։00-ին, Հյուսիսային պողոտայի սկզբնամասից։
