05 Հոկտեմբեր, 2016
ՀԱՅԱՍՏԱՆԻ ԱՐՀՄԻՈՒԹՅՈՒՆՆԵՐԻ ԿՈՆՖԵԴԵՐԱՑԻԱՅԻ
ՈՒ Ղ Ե Ր Ձ Ը
Արժանապատիվ աշխատանքի միջազգային օրվա կապակցությամբ
Հոկտեմբերի 7-ը աշխարհի բազմաթիվ երկրներում նշվում է որպես Արժանապատիվ աշխատանքի օր:
Արժանապատիվ աշխատանքը նշանակում է ոչ միայն բնակչության զբաղվածություն, այլև աշխատանքային անվտանգ պայմանների ապահովում և աշխատողների արժանապատիվ վարձատրություն, որոնք էլ հանդիսանում են թե՛ Արհմիությունների միջազգային կոնֆեդերացիայի և թե՛ Հայաստանի արհմիությունների կոնֆեդերացիայի գործունեության առանցքային հարցերը:
Արժանապատիվ աշխատանքի միջազգային օրը Հայաստանի արհմիությունների կոնֆեդերացիան այս տարի հանդես է գալիս հետևյալ պահանջով՝ արժանապատիվ աշխատանք, արժանապատիվ վարձատրություն, գործատու-աշխատող հարաբերություններում սոցիալական լիարժեք երկխոսություն, սոցիալական գործընկերության կայուն զարգացում: ՀԱՄԿ-ը ոչ է ասում աղքատությանը, գործազրկությանը, արտագաղթին և սոցիալական բևեռացմանը:
Հանրապետության ֆինանսա-տնտեսական ծանր և անկայուն վիճակը սահմանափակում է արժանապատիվ աշխատանքի դերն ու նշանակությունը: Այնուհանդերձ, Արհմիությունների կոնֆեդերացիան լիահույս է, որ իր պահանջները կներառվեն տնտեսության վերականգնմանն ու աշխատողների աշխատանքային շահերի պաշտպանությանն ուղղված միջոցառումների հիմքում:
ՀԱՄԿ-ը կոչ է անում անդամ կազմակերպություններին՝ ճյուղային հանրապետական միություններին, հետևողականորեն բարձրացնել արհմիութենական կազմակերպությունների ակտիվ գործունեությունը, միաժամանակ արհմիությունների շարքերը համալրել երիտասարդներով, ինչը կխթանի արհմիութենական շարժման առաջընթացին և հանրության շրջանում նրա դերի բարձրացմանը:
ՀԱՅԱՍՏԱՆԻ ԱՐՀՄԻՈՒԹՅՈՒՆՆԵՐԻ ԿՈՆՖԵԴԵՐԱՑԻԱ
05 Հոկտեմբեր, 2016
Կայացավ Համաեվրոպական տարածաշրջանային խորհրդի 9-րդ ամառային դպրոցը
2016 թվականի սեպտեմբերի 26-28-ը Ֆրանկֆուրտ-Մայնում կայացավ Համաեվրոպական տարածաշրջանային խորհրդի 9-րդ ամառային դպրոցը, որտեղ Եվրոպայի արհմիութենական առաջնորդների մասնակցությամբ տեղի ունեցավ եվրոպական արհմիութենական շարժման մարտահրավերների և հետագա գործունեության ծրագրերի վերաբերյալ ավանդական քննարկում:
...
27 Սեպտեմբեր, 2016
Կայացել է Հանրապետական եռակողմ հանձնաժողովի հերթական նիստը
2016թ. սեպտեմբերի 24-ին կայացել է Հանրապետական եռակողմ հանձնաժողովի հերթական նիստը, որը նախագահում էր ՀՀ աշխատանքի և սոցիալական հարցերի նախարարի պաշտոնակատար Ա. Ասատրյանը: ՀԱՄԿ-ի կողմից նիստին մասնակցում էին հանձնաժողովի անդամներ Բ. Խարատյանը, Ա. Ասատրյանը, Շ. Մկրտչյանը, Ս. Առաքելյանը, Գ. Արմաղանովան և ՀԱՄԿ-ի աշխատակազմի բաժնի պետ...
19 Սեպտեմբեր, 2016
Համագործակցության եզրեր ԱՄՆ-ի Հարավային Կալիֆորնիա նահանգի արհմիությունների հետ
Հայաստանի Արհմիությունների Կոնֆեդերացիայի նախագահ Էդուարդ Թումասյանը սեպտեմբերի 19-ին ընդունեց ԱՄՆ-ի Հարավային Կալիֆորնիա նահանգի աշխատավորության սոցիալական շահերի պաշտպանության հայկական ներկայացուցչության ղեկավարությանը՝ Շուշան Բաղբուդարյանին, Սիլվա Քեշիշյանին և Ստեփան Հովակիմյանին:
Հանդիպման ընթացքում...
